الأدب والفن
شعر..
حتى من الشايب برم اشنابه
أرشيفية
عمّان
اقــدوا النــار, صُبّوله طــــــويسه
الشاهي المــر مـــا يطيقش شـرابه
امغـــير الوقــت والمعيشة التعيسه
خـلّى المـــر يسـري فـــــي لُعــابه
افـــرغ الجــيب واعلــــن التفليسه
مكسور خاطره يندب مــــع الندابه
عقـــــابها مهرجان لـ(اقطيطيسه)
ملكة جمال في حضن مجلي نابه
ســود الميامـي دايــــره تبحويسه
حتى مــــن الشايـب بــرم اشنابه
مشي هلّــب صـوب "البرنسيسه"
لـما قـــــرب مـنها, فقـد صــوابه
شالوه إيـد ورجـل بعـد تكـرديسه
مغمى عليه, ما حد سمع جــوابه
مــاء الزهــــر, رجّـع له النفيسه
قعد مشدوه مـــــــــن اللي صابه
ام العــــــز دارت لــه بســـيسه
وسط بيــــــت مشدوده اطــنابه
حلف باليمين صايــره تكوليسه:
انا هالشي مــش امداير احسابه
القيت روحي جنب "الكونتيسه"
مـع شريكي فــــوّاح اصخابه
ميلاد عمر المزوغي