أشرف عبد الباقى يحذر من صفحة مزيفة تنتحل اسمه

حذر الفنان أشرف عبد الباقى، من صفحة مزيفة تحمل اسمه على موقع التواصل الاجتماعى "فيس بوك"، حيث طالبت من متابعيها دفع أموال مقابل التمثيل فى "مسرح مصر"، مشيرا لأن ذلك عار تماما من الصحة.

وأضاف من خلال فيديو بثه عبر حسابه على موقع تبادل الصور انستجرام: "للمرة الثالثة أو الرابعة النهارده بنلاقى حد عامل صفحة باسمى وبيقول للناس تعالوا ادفعوا فلوس علشان تمثلوا فى مسرح مصر". وأشار قائلاً: "واجب عليا أنى أنصح الناس لو فيه أى اختبارات هتلاقو فيديو ليا ولو مافيش فيديو يبقى مش حقيقى، الراجل اللى عامل الصفحة بيقول تعالو وادفعوا وفلوس وأوصلكم لأشرف فحد بعت ليا البوست، وأوعى حد يقع فى اللعبة البايخة دى ودورى أننى أحاول أنصحكم".