الأدب والفن
بالعدني..
يمن اتحادي.. اجاء يكحلها اعماها
الجنوب موطني
ياقلبي عليك يا عدن من كان زيمك بالتاريخ والثقافة. والاقتصاد والسياسة
اجوا اللي نهشنك ولاخلوا ولابقوا شئ فيبك يا قلبي عليك يا عدن .‘
طيب لو كان على الاقل بتخلوا قليل لشعب الضبحان كله نهشتوه ‘لكن لا المصانع ‘ولا الاراضي ولا ‘البترول ‘الغاز ‘البحر ‘حتى الاسماك شليتوها
(لو صاحبك عسل لا تلحسوش كله )
بس نحنا نستاهل لان نحن شعب يعجب نحن نتوكل على غيرنا ‘ صدق اللي قال (ما يحك ظهرك غير ضفرك ) وخلينا غيرنا يلعبوا بدي البلاد وقالوا أيدى امينه ‘ وقلنا نحترم اصحاب القرار السياسي ونحن منتطرين يجي منهم الخير وانه (العين ما تعلى على الحاجب)
الا وصاحبنا رقدله رقدة اهل الكهف وسمن وانتفخ وخدد والشعب يبس واتقشف واتنشف من الحمى والضماء والغلاء
مله قوم وشوف الجو كيف يلهب طيب نشتي البانكه تمروح نحنا ومنشتيش سراج لااا مافيش حقنا راقد (ماصدق رقد و
انبطح)
بس عادي نحن لنا الله والفاسدين لهم الرياض وتركيا والقاهرة ‘ حفلات وسهر ومطاعم وسلا
بس ياجنوبي صدقني (خليك بعشك ولا أحد ينشك )لان النار لمن تحرق تشل وتحرق الحطب كله والنار ماتحرقش سلبطه لااااا (النار ما تحرق إلا رجل واطيها) اما الجنوبيين مهما حصل بينهم بيرجعوا لبعض مافيش الكراهية والضغينة بقلوبهم عيال قريّه وكل واحد يعرف اخوه
والسرق والفاسدين مافيش بقلوبكم رحمه شليتوا المشتقات النفطية وتتشتوا تشوهوا حتى الخدمات الانسانية ‘!!
طيب خلوني اتكلم على طيران اليمنية اللي اصبحت كارثة انسانية وكل هذا عشان يستبدلوا اليمنية بطيران حبيبكم كبيركم اللي علمكم السحر وبتجوا على كلامي وبتشوفوا ...
اح اح بس (ياما تحت السواهي دواهي)بس ماتشتوش تتكلموا بالحق
(الكلمة اللي تستحي منه اطرشه )
كل واحد يشوف ظهره مايشوفش ظهر غيره لا بس كل واحد فالح يكارح التاني وتقرح فيوزاته وانتهي دور النضال حقه بجلسة مقيل
(الشيفه شيفه والمعاني ضعيفه )
اسمعوا كلامي و سدوا ، خليكم يد وحدة ضد فساد الشرعية وفساد حكومة اليمن الاتحادي‘‘
وبعدي ياجنوب لمتى تصبر على كل من يجي لعندك وانت عارف ياوطني انه(ضربني وبكى وسبقني وشتكى) يشتوا يخلوكم معدمين مذلوليين بدون خدمات ولا قوة بعدين .
(يا خال ابي حـكلي ظهري )
وانتم عارفين الحرب واللي جزع علينا موش بسيط بس رجعوها الحمدالله مثل ماقالوا الاوليين (نص الحرب دهوله)ونعيش كل يوم جديد فيك ياوطني رغم كل العقبات وكل مانمر فيه من الم وفرح ونقص واحتياج ونقول نحبك ياجنوب .(وولد بطني يعرف رطني)ولازم كل اللي حولك ياجنوب يعرف ان ابناءك لأجلك صابرين والله العظيم
واللي (في رأسه حبٍ ما نطحن)لازم يعرفوا هذا الحب والوفاء
موش اللي عايشين يحكمونا من فنادق ومطاعم ويحسبوا انه (من طول الغياب بجيب الغنايم )لا تكذب على نفسك ولا تخلي اللي حولك يوهموا عقلك انك صح... (صايد يا أبا الفوايد)هاه(سبع وألا ضبع)
لان الناس تعبت والجيوب فضت ‘والاطفال تشتي تدرس ودا كله بظل وطن خالي من الفساد .
نشتي خدمات ونشتي العداله والقانون فوق الجميع ونشتي مصانع تحتوي الشباب المتعلم وغير المتعلم نشتي انتاج وطني محلي بدل الانتاج الخارجي المستورد المزيف
نشتي كهرباء نشتي موارد موطني( صنع في الجنوب العربي)
بس لااااا قالوا يمن اتحادي ؟ (اجه بيكحححله عممماها )و زاد الطين بله .
مله شحبنا والله ونحن نعصد الكلام لمتى بالله لمتى(كثر الدق يفك اللحام )
والسعودية والامارات لازم يحلوا الازمة اللي حاصله منشتيش سلل معونات واغاثة افهموا الشعب المنكوب (يا غريب كن اديب)نشتي تستوعبوا ان خليج عدن وذرة عدن ومنارة عدن كلهم في ظلام نشتي(اللي في الدست تطلعه الملعقه) وماشاءالله خيركم مكمل بلادكم وبلاد غيركم
(مقابل الجيش ولا مقابل العيش )...
اهمشي الجنوب وافهموما يا اهل الجوار والجار جار ولو جار مطلبنا الوحيد الجنوب العربي.....
ان شاء الله