أغنية واحدة تحقق حلم مي كساب

كشفت الفنانة مي كساب عن قرب تحقيق حلم صدور ألبومها الغنائي الجديد بعد 4 سنوات كاملة من التحضيرات، مؤكدة أنّ أغنية واحدة متبقية ويتم الانتهاء من تسجيل الألبوم بالكامل، على أن يصدر مع بدايات العام 2019 بعنوان "أنا لسة هنا".

مي شاركت جمهورها عبر موقع انستقرام فرحتها، وكتبت فجر اليوم الخميس: أنا هانام وانا فرحانة جدًّا، النهارده ألف حمد وشكر لله، فاضلّي أغنية واحدة واخلص الألبوم اللي بقالنا ٤ سنين بنشتغل فيه، حاسة احساس حلو قوي بقالي سنين ما حستهوش، ومتفائلة جدًّا وحاسة إن ربنا هيكتبلنا النجاح والتوفيق على أد تعبنا.

تابعت تعليقًا على صورتها مع زوجها أوكا قائلة: باشكر من قلبي كل الناس اللي وقفت معانا عشان نخلص الألبوم ده، شعراء وملحنين وعازفين ومهندسي الصوت وطبعا أخويا محمد حسين اللي طول الوقت بيساعدني، ورامز سليمان الجدع، وهاني عزيز المحترم، اللي قدمولي كل الدعم عشان أخلّص الألبوم وفي النهايه جوزي حبيبي بحبك حب كبير قوي ربنا وحده اللي عالم إنت جوايا ازاي، فرحانة بيك وليك ربنا يخليك لينا ودايمًا ضهر وسند ليه.

وأكدت أنّ زوجها المطرب الشعبي هو من أشرف على إعداد الألبوم الجديد بالكامل قائلة: ألبومي كله توزيع موسيقي ورؤيه فنيه أوكا يارب أدينا على أد تعبنا، أنا لسه هنا قريبًا بالأسواق 2019.