نجاة الفنانة مروة عبد المنعم من الموت بأعجوبة

أنقذت العناية الإلهية الفنانة مروة عبد المنعم من موت محقق، بعدما كاد أن يسقط عليها عقار سكني أثناء استقلالها سيارتها، وتهشمت بالفعل السيارة المجاورة لها، ولم تتوقف مروة لمعرفة هل مات كلّ من فيها أم لا.

مروة قدمت تفاصيل لحظات الرعب عبر حسابها الخاص بموقع الفيس بوك قائلة: ماشية بالعربية وفجأة عمارة جنبي بتقع عليا بالظبط، حودت بالعربية شمال متر واحد بس هو اللي أنقذني.

تابعت قائلة: منظر مرعب جدا واقفه جنب المنظر بتفرج عليه بدهشة، العبره مش في إني مامتش، لأن عموما الموت راحة، العبرة في رسالة باعتهالي ربنا في الوقت ده بالظبط وأنا بدعيه لحاجة معينة في اللحظه دي بالظبط، كأنه بيرد عليا وبيقولي أنا ممكن في لحظة أخدك بس لأ خدي فرصة عيشي وإعرفي إن مافيش حاجة في الدنيا تستاهل بيقولي انا بس اللي أقدر أحميكي ...وأنا جنبك الحمد لله رب العالمين.

وأكدت مروة أن السيارة التي كانت خلفها سقط عليها العقار، ولا تعلم ما إذا كان المتواجدون بها توفوا أم على قيد الحياة، وقالت: ملحوظه ..العربيه اللي ورايا اتدمرت معرفش فيها حد مات ولا لأ ربنا لحكمة منه ..ماخترش عربيتي واختار العربيه اللي ورايا.